Ougadogu, 20 shkurt 2023 (MIA) - Të paktën 51 ushtarë të Burkina Fasos kanë humbur jetën në incidentin e fundit në rajonin verior të këtij vendi të trazuar të Afrikës Perëndimore i cili është cak i sulmeve të vazhdueshme xhihadiste, njoftoi sot armata.

Mediat britanike informojnë se ushtarët u vranë të premten kur njësiti i tyre është sulmuar në pritë.

Fillimisht numri i raportuari prej tetë viktimave u rishikua pasi u gjetën 43 trupa të tjerë, theksohet në kumtesën e armatës.

Ushtarët u sulmuan në provincën Oudalan, në rajonin Sahel të Burkina Fasos, që ndan kufirin me Malin.

Ushtria nuk ka akuzuar drejtpërdrejtë askënd për sulmin, por theksoi se "rreth 160 terroristë u vranë në një sulm ajror kundër-ofensivë".