Buenos Aires, 4 korrik 2025 (MIA) – Të paktën 15 persona kanë humbur jetën në një valë të të ftohtit që ka goditur Argjentinën, Kilin dhe Uruguain.

Qeveritë e këtyre tre vendeve të Amerikës Jugore kanë kufizuar furnizimet me gaz dhe kanë aktivizuar planet e strehimit në rast emergjence.

Një masë ajrore polare nga Antarktiku kalon nëpër rajon, duke ulur temperaturat ndjeshëm nën zero gradë.

Në Buenos Aires, temperaturat këtë javë ranë në minus 1.9 gradë Celsius, që është niveli më i ulët në 34 vjet. Për shkak të kërkesës së lartë, mijëra njerëz mbetën pa energji elektrike deri në 24 orë në disa zona.

Në Montevideo, temperaturat arritën një maksimum prej 5.8 gradësh në fund të qershorit, që është më e ulta e regjistruar që nga viti 1967, sipas të dhënave të meteorologëve.

Kili ka aktivizuar planet për të strehuar të pastrehët gjatë ditëve më të ftohta. Në qytetin {ilan, 400 kilometra në jug të kryeqytetit Santiago janë regjistruar temperatura minimale prej minus 9.3 gradë Celsius, njoftoi shërbimi meteorologjik i atjeshëm.

Për herë të parë në dhjetë vjet, ka rënë borë në disa pjesë të shkretëtirës Atakama, ku ndodhet thatësira më e madhe në botë.

Foto: Kopernikus në Iks