Manila, 30 mars 2023 (MIA) - Të paktën 12 persona humbën jetën, ndërsa shtatë ende janë të zhdukur, pasi u djeg një traget me 250 udhëtarë dhe anëtarë të ekuipazhit, deklaroi sot guvernatori i provincës Bazilan, në Filipine, transmetuan mediat amerikane.

"Shumica e udhëtarëve që mbijetuan u hodhën nga trageti në panikun e shkaktuar nga zjarri dhe pastaj u shpëtuan nga roja brengdetare, marina ushtarake, një traget tjetër dhe peshkatarë vendas", tha guvernatori Xhim Hataman.

Guvernatori shtoi se shumica e njerëzve në tragetin "MV lejdi Meri Xhoj 3" u shpëtuan gjatë natës, por autoritetet plotësisht i kontrollojnë informatat nga burime të ndryshme, që tregon se shifrat mund të jenë të ndryshme.

"Ndër të vdekurit janë edhe tre fëmijë, të cilët me siguri u ndanë nga prindërit e tyre, ndërsa të paktën 23 udhëtarë u lënduan dhe janë dërguar në spitale", shtoi guvernatori.

Shumica e viktimave u mbytën, ndërsa më vonë u gjetën në det, kumtuan persona zyrtarë. sa/