Kiev, 9 gusht 2024 (MIA) – Forcat ruse sot kanë granatuar një supermarket në qytetin ukrainas Kostiantinovka, në rajonin e Donjeckut. Sulmi është kryer derisa në dyqan ka pasur shumë persona. Pamjet e sulmit po qarkullojnë në rrjetet sociale.

Të paktën 10 persona vdiqën dhe më shumë se 35 u plagosën, kumtoi Zyra e Situatave të Emergjencave të Ukrainës. Dyshohet se nën rrënojat e dyqanit ka më shumë njerëz.

Autoritetet ukrainase njoftuan se po përcaktojnë të gjitha pasojat e sulmit.

"Sulmi në supermarketin në Kostiantinivka është një shembull tjetër i terrorit rus. Gjithçka që ata mund të bëjnë është të vrasin civilë", njoftoi në Telegram Andrij Jermak, shefi i shtabit të presidentit ukrainas Volodimir Zelenski.

Russia has bombed a busy supermarket in the middle of a Friday afternoon.

Kostiantynivka. pic.twitter.com/axWfavcTTl

— Jay in Kyiv (@JayinKyiv) August 9, 2024

Për sulmin me raketa reagoi edhe vetë Zelenski, i cili shënoi se shumë njerëz janë robëruar nën rrënoja, duke shtuar se shërbimet e shpëtimit "do të bëjnë gjtihçka për t'i nxjerrë".

"Rusia do të jetë përgjegjëse për këtë terror", shtoi Zelenski. 

Kostyantynivka, Donetsk region. Russian terrorists hit an ordinary supermarket and a post office. There are people under the rubble. A rescue operation is underway, and everything will be done to save them.

At the moment, it’s known that four people have been killed. My… pic.twitter.com/Sd9vrGTHTc

— Volodymyr Zelenskyy / Володимир Зеленський (@ZelenskyyUa) August 9, 2024

Anton Gerashenko, një këshilltar i Ministrisë së Punëve të Brendshme të Ukrainës, shkroi në rrjetin X se një grua nga Kostjantinovka tha se vajza e saj 10-vjeçare dhe dhëndri ishin në supermarket në kohën e sulmit dhe se nuk dihej nëse ata ishin gjallë.

Kreu i administratës ushtarake rajonale tha se rusët sulmuan supermarketin me një raketë X-38.

Në sulm janë dëmtuar dhjetë dyqane, posta, nëntë shtëpi private, 12 pavionet e ekspozitës dhe 12 automobila. sa/