Shkup, 18 maj 2025 (MIA) - Salim Sulejmani ka dhënë dorëheqjen nga të gjitha funksionet në Aleancën për Shqiptarët, si dhe nga pozicioni i tij si anëtar i Parlamentit, duke iu referuar përgjegjësisë morale, profesionale dhe politike. Me dorëheqjen e tij, VLEN fiton një deputet të ri.

Në një deklaratë publike, Sulejmani e ka kritikuar afrimin me BDI-në dhe e përshkroi atë si një "kompromis të padenjë".

"Nuk mund të jem pjesë e një aleance që bën kompromise me njerëz të përmendur në listat e zeza ndërkombëtare", theksoi Sulejmani.

Shpjegoi se hyrja e tij në politikë ka qenë e motivuar nga dëshira për ndryshim të vërtetë, jo nga ambiciet personale. Theksoi se BDI-ja është një "strukturë e lidhur me interesa klanore dhe personale" dhe shtoi se e konsideronte koalicionin VLEN si "antipod të matricës së korruptuar".

"Afrimi i Aleancës për Shqiptarët me BDI-në është tradhti e premtimit dhe shkelje e parimeve", theksoi Sulejmani në dorëheqjen e tij.

Sipas listës së kandidatëve nga zgjedhjet e fundit parlamentare, e radhës në njësinë e pestë zgjedhore është Valbona Adili Emini, pediatre dhe anëtare e stafit të Lëvizjes Besa. Me hyrjen e saj, shumica e VLEN-it forcohet në 10 deputetë, pas largimit të krahut të Arben Taravarit.mb/

Foto: ueb Kuvend