Bruksel, 14 qershor 2023 (MIA) - Kundërofensiva e Ukrainës po përparon, por është ende herët për të thënë nëse do të jetë një pikë kthese në luftë, tha sot Sekretari i Përgjithshëm i NATO-s, Jens Stoltenberg.

"Kundërofensiva është duke u zhvilluar, por ende nuk e dimë nëse do të jetë një pikë kthese në luftë. Ukrainasit po përparojnë, duke çliruar gjithnjë e më shumë territore", tha Stoltenberg në konferencën për shtyp para takimit të ministrave të mbrojtjes të vendeve anëtare të Aleancës, që nesër dhe pasnesër do të mbahet në Bruksel.

Ministrat e mbrojtjes takohen si pjesë e përgatitjeve për samitin e NATO-s, që do të mbahet muajin e ardhshëm në Vilnus.

"Sa më shumë ukrainas e çlirojnë territorin e tyre, aq më e fuqishme do të jetë pozita e tyre në tryezën negociuese", tha Stoltenberg, që do të jetë i obliguar për sigurinë e infrastrukturës nëndetare kritike.

Stoltenberg paralajmëroi edhe se ministrat e mbrojtjes do të marrin vendim për formimin e qendrës së re detare të NATO-s me seli në Britani të Madhe, që do të jetë i obliguar për sigurinë e infrastrukturës detare kritike.

"Qendra do ta rrisë kontrollin tonë të situatës në det dhe do ta përforcojë praninë detare për kthim dhe mbrojtje", tha Stoltenberg.

"Duhet të sigurojmë aranzhmane kredibile për Ukrainën sapo të përfundojë lufta, që të mos përsëritet historia dhe Rusia të mos mund të pushojë, të armatoset dhe të fillojë një sulm të ri", tha Stoltenberg.

"Në Samitin në Vilnus do të dërgojmë mesazh të fuqishëm për mbështetje dhe solidaritet me Ukrainën dhe do të theksojmë se e ardhmja e Ukrainës është në NATO", shtoi ai. sa/