Bruksel, 6 nëntor 2024 (MIA) - Deklaratat në Kosovë se draft-statuti i Asociacionit të komunave me shumicë serbe është vetëm "non-pejper", zëdhënësi i Bashkimit Evropian, Peter Stano i vlerësoi si mosrespektim të thirrjes së Këshillit të Bashkimit Evropian, i cili bazuar në këtë propozim “evropian”, po lëvizë drejt formimit të Asociacionit.  

Stano tha se obligimi i Kosovës është formal, ajo u pranua në dialogun me negociatat nga viti 2013 dhe 2023, u ratifikua nga Kuvendi i Kosovës me dy të tretat e shumicës, ndërsa propozimi "“në parim” u pranua nga krerët e Prishtinës dhe Beogradit. 

Prandaj, tha ai në përgjigjet që i dërgoi deri te gazetarët, "është për të ardhur keq që pas një viti pranim në parim nuk ka asnjë përparim drejt krijimit të Asociacionit".

"Kosova edhe pas 11 viteve ende nuk i ka ndërmarrë hapat e nevojshëm drejt këtij establishmenti dhe për këtë arsye nuk po i përmbush detyrimet e saj të qarta, sipas ligjit ndërkombëtar, të cilat janë përsëritur në marrëveshjet e vitit 2015 dhe 2023. Sipas marrëveshjeve përkatëse të vitit 2013 dhe 2015, statuti i krijimit të Asociacionit duhet të hartohet nga dialogu dhe të merret parasysh në dialog. Çdo propozim duhet të bisedohet me Serbinë dhe moderatorët e BE-së dhe duhet të jetë në përputhje me negociatat e viteve 2013 dhe 2015. Kjo do të thotë se Qeveria e Kosovës nuk mund ta marrë statutin jashtë procesit të dialogut. Qeveria e Kosovës nuk mund të tërhiqet nga përgjegjësitë e veta në dialog, as të delegoj në komunat me shumicë serbe në Kosovë", tha zëdhënësi Stano. 

Ai më tej sqaroi si, sipas tij, Prishtina dhe Beogradi në "parim" e kanë pranuar atë që tani quhet “propozim evropian”.

Sipas tij, ky propozim tashmë është përkthyer në një “dokument” që ka mbështetjen formale të 27 vendeve anëtare të BE-së.

"Në fund të dhjetorit të vitit 2023, Këshilli Evropian e përshëndeti gatishmërinë e Kosovës dhe Serbisë ta pranojnë draft-statutin e propozuar nga partitë e moderatorit të BE-së. Kjo paraqet pranimin zyrtar të dokumentit nga 27 shtetet anëtare. Të quash draft-statutin evropian thjesht "non-pejper" do të thotë të shpërfillësh thirrjen e Këshillit të Bashkimit Evropian për të vepruar mbi të pa vonesa të mëtejshme dhe drejt krijimit të tij. Na vjen keq që pas një viti, pasi palët e pranuan dokumentin në parim, nuk është bërë asnjë progres në themelimin e Asociacionit, sipas draft-statutit evropian. Në përputhje me përcaktimin zyrtar për dialog dhe zbatim të plotë", tha Stano. qa/

Foto: arkivi i MIA-s