Sidnej, 29 korrik 2023 (MIA) - Stërvitjet e mëdha ushtarake në Australi në të cilat marrin pjesë Shtetet e Bashkuara të Amerikës vazhduan sot, pasi ishin gjetur mbetje nga helikopteri i cili u rrëzua dje. 

Helikopteri Tajpan(MRH-90) u rrëzua në ishullin Hamilton në shtetin australian verilindor Kuislend. Katër anëtarë të ekuipazhit konsiderohen si të zhdukur, deklaroi ministri i Mbrojtjes, Riçard Marlls.

Më vonë, shefi i policisë në Kuislend, Dagllas Mekdonald deklaroi se janë gjetur mbetjet nga helikopteri ushtarak. Anëtarët e ekuipazhit të tij edhe më tutje konsiderohen si të zhdukur, ndërsa vijon kërkimi i tyre. 

SHBA-ja dhe Australia, të cilat janë aleata të afërta në rajonin Indo-Paqësor, po zbatojnë stërvitjen Sabja Talisman së bashku me 11 vende të tjera. Ministri australian i Mbrojtjes dhe homologu i tij amerikan Llojd Ostin pritet të monitorojnë manovrat në pjesën veriore të Kuislendit pasi sot do të përfundojnë bisedimet e tyre në kryeqytetin rajonal Brisbejn. fc/

Fotografia: Forcat e Mbrojtjes të Australisë