Budapest, 19 korrik 2024 (MIA) - Volodimir Zelenski dëshiron të përfshijë NATO-n në konfliktin ukrainas, ndërsa pjesëmarrja e një vendi nga aleanca në konfliktin me Rusinë do të nënkuptojë një luftë botërore - paqja patjetër të përfundojë sa më shpejt të jetë e mundur, përkundrazi Evropa do të jetë në zjarr, tha ministri i Punëve të Jashtme të Hungarisë, Peter Sijarto.

"Unë shoh që ka shumë persona, duke përfshirë edhe presidentin e Ukrainës, të cilët po përpiqen të tërheqin NATO-n në atë luftë. Tani përfshirja e një vendi në NATO do të nënkuptonte një luftë botërore. Do të ishte më mirë të parandalohej kjo dhe të ndalohet një situatë e tillë", tha Sijarto në konferencën për mediat me homologun e tij libanez, Abdullah Bu Habib.

Sipas tij, Budapesti do të vazhdojë misionin e tij paqësor.

"Kjo është e nevojshme sepse, nëse paqja nuk arrihet shpejt, në front do të ndodhin gjëra edhe më brutale se më parë, kërcënimi nga përshkallëzimi do të jetë më i madh se më herët, që do të rezultojë me Evropën të jetë në flakë", paralajmëroi ai.

Sijarto më herët deklaroi se NATO dëshiron të rrisë rolin e saj koordinues në furnizimin e Ukrainës me armë dhe trajnimin e trupave të saj. Rreth 31 vende e mbështesin atë vendim, ndërsa Hungaria nuk dëshiron dhe nuk do të marrë pjesë në të. Udhëheqja hungareze ka publikuar se refuzon të marrë pjesë në nismën e Aleancës për shkak frikës së përshkallëzimit të mëtutjeshëm.

Në lidhje me këtë, sekretari i përgjithshëm i NATO-s Jens Stoltenberg deklaroi se pranon vendimin e Hungarisë për të mos marrë pjesë në misionin e koordinimit të ndihmës për Ukrainën. rq/

Foto: arkivi i MIA-s