Shtajnmajer vendosi që zgjedhjet parlamentare në Gjermani të mbahen më 28 shtator të vitit 2025
- Zgjedhjet e ardhshme parlamentare në Gjermani do të mbahen më 28 shtator të vitit të ardhshëm, kumtoi sot kabineti i presidentit, Frank-Valter Shtajnmajer.
- Post By Arta Bunjaku
- 16:57, 23 gusht, 2024
![Shtajnmajer vendosi që zgjedhjet parlamentare në Gjermani të mbahen më 28 shtator të vitit 2025](https://mia.mk/images/20240823165731_big_730x400_11.webp )
Berlin, 23 gusht 2024 (MIA) - Zgjedhjet e ardhshme parlamentare në Gjermani do të mbahen më 28 shtator të vitit të ardhshëm, kumtoi sot kabineti i presidentit, Frank-Valter Shtajnmajer.
Presidenti Shtajnmajer sipas rekomandimit të Qeverisë, zyrtarisht e caktoi datën e zgjedhjeve për Bundestagun, Dhomën e ulët të parlamentit. Bundestagu pas zgjedhjeve do të zgjedhë shefin e qeverisë - kancelarin.
Kancelari, Olaf Sholc paralajmëroi se do të kandidojë për mandat të dytë, por partia e tij dhe koalicioni i saj shpejt po e humbin popullaritetin për shkak të debateve të vazhdueshme.
Nga dhjetori i vitit 2021, Sholc udhëheqë koalicionin trepartiak të socialdemorkatëve të tij me Të Gjelbrit dhe Demokratët e lirë.
Javën e kaluar, liderët e saj u dakorduan për hollësitë për buxhetin për vitin 2025, disa javë pas arritjes së marrëvehsjes fillestare për të cilën sërish debatuan, plotësisht duke e prishur imazhin e qeverisë.
Zgjedhjet për Parlamentin evropian në qershor sollën rerzultate të errëta për partitë në pushtet, me fitore të qartë për bllokun kryesor opozitar, CDU konservatore dhe vendin e dytë për të djathtën ekstreme, Alternativa për Gjermaninë. ab/