Uashington, 24 janar 2024 (MIA) - Shtëpia e Bardhë nuk mund të konfirmojë pretendimet se në aeroplanin e rrëzuar rus të mallrave gjendeshin të burgosur të luftës nga Ukraina.

"Jemi në dijeni të pretendimeve se të burgosur të luftës nga Ukraina gjendeshin në bordin e aeroplanit rus Il-76 që më 24 janar u rrëzua në rajonin e Belgorodit, por nuk jemi në gjendje ta konfirmojmë këtë", deklaroi Xhon Kirbi, zëdhënës i Këshillit të sigurisë kombëtare.

“Po bëjmë gjithçka që mundemi për të pasur një imazh më të qartë dhe më shumë informacione rreth kësaj", deklaroi Kirbi.