Uashington, 29 mars 2024 (MIA) -  Shtëpia e Bardhë i dënoi sulmet ruse me raketa dhe dronë në infrastrukturën civile të Ukrainës gjatë 24 orëve të fundit, duke deklarua se sulme të tilla janë edhe një kujtesë e nevojës për miratimin e projektligjit për ndihmë për Ukrainën.

 "Rusia mbrëmë kreu një nga sulmet ajrore më të mëdha që nga fillimi i luftës në sistemin energjetik të Ukrainës dhe në këto ditë ende të ftohta të fillimit të vjeshtës privoi një pjesë të madhe të popullsisë nga ngrohja, uji dhe energjia elektrike", theksohet në deklaratën e Adrien Votsonit, zëdhënëse e Këshillit Kombëtar të Sigurisë.

Ky bombardim është pjesë e një serie të sulmeve ruse në infrastrukturën kritike të Ukrainës dhe është një kujtesë e tmerrshme e përpjekjeve të Vladimir Putinit për të shtypur popullin ukrainas dhe për ta shtyrë në errësirë.

 Për të ndihmuar Ukraina që të mbrohet nga këto sulme të vazhdueshme, Dhoma e Përfaqësuesve duhet të miratojë një projekt-ligj plotësues dypartiak të sigurisë kombëtare në mënyrë që të mund t'i dorëzojmë Ukrainës më shumë mjete për mbrojtje ajrore. Ukraina ka nevojë për ndihmë urgjente dhe nuk mund të përballojmë ndonjë vonesë të mëtejshme", thuhet në deklaratë