Lahor, 8 maj 2025 (MIA) - Katër persona janë lënduar në një shpërthim që ndodhi mëngjesin e sotëm në një kompleks ushtarak në Lahor, kryeqytetin e provincës pakistaneze Penxhab, deklaruan burime zyrtare për mediat kineze.

Shpërthimi është regjistruar këtë mëngjes në objektin e mbrojtjes ajrore "4 Air Defense (AD)", i cili ndodhet në lagjen Gulberg III, të njohur edhe si Volton Lahor, në afërsi të Komandës së Kolegjit Ushtarak Detar.

 Autoritetet ushtarake dhe detare e bllokuan menjëherë vendin, ndërsa policia dhe shërbime të tjera të sigurisë siguruan zonën më të gjerë përreth kompleksit.

 Sipas informacioneve fillestare, incidenti po trajtohet si një sulm i mundshëm me raketa ose dronë. Tani për tani nuk ka konfirmim zyrtar për shkakun e shpërthimit, ndërsa hetimi është duke vazhduar.

 Foto: Arkivi i MIA-s