Berlin, 7 shkurt 2025 (MIA) - Kancelari gjerman Olaf Sholci, në bisedën e sotme telefonike me presidentin e përkohshëm sirian, Ahmed al Shara, deklaroi se Berlini është i gatshëm të mbështesë rindërtimin e Sirisë.

Zëdhënës i qeverisë gjermane theksoi se telefonata midis Sholcit dhe Sharës ka zgjatur një orë, gjatë së cilës Sholci uroi popullin sirian për përmbysjen e regjimit të Bashar al Asadit. 

 Sholci ra dakord me al Sharën se Siria ka nevojë për një proces politik gjithëpërfshirës që do të mundësojë pjesëmarrjen e të gjithë sirianëve dhe do t'u sigurojë realizimin e të drejtave dhe mbrojtje.

 Kancelari gjerman e theksoi edhe rëndësinë e luftës së vazhdueshme kundër terrorizmit për sigurinë në Siri, në rajon dhe në mbarë botën.

Kryengritësit sirianë, të udhëhequr nga Shara më 8 dhjetor rrëzuan Asadin. Shara udhëhoqi grupin e armatosur islamik Hajat Tahrir al-Sham (HTS) përpara se të bëhej presidenti i përkohshëm i Sirisë. HTS është ende në listën amerikane të organizatave terroriste, megjithëse ndërpreu lidhjet me Al-Kaedën në vitin 2016.

 Foto: EPA