Berlin, 24 tetor 2024 (MIA) - Kancelari gjerman Olaf Sholc  sot në një bisedë telefonike me presidenten e Moldavisë, Maja Sandu tha se Berlini do të vazhdojë ta mbështesë luftën e këtij vendi kundër ndikimit të huaj, njoftoi zëdhënësi i Qeverisë gjermane.

Mediat britanike transmetojnë se Sandu dhe Sholc kanë diskutuar për gjoja ndikimin e propagandës ruse dhe proruse në Moldavi.

"Kancelari e bindi presidenten Sandu në mbështetjen e vazhdueshme për përforcimin e rezistencës së Moldavisë ndaj ndikimit të huaj dhe masave për destabilizim", citohet në deklaratën e zëdhënësit.

Siç shtoi ai, Sandu e informoi Sholcin për rrjedhën e raundit të parë të zgjedhjeve presidenciale dhe referendumit për inkuadrim në BE. Më shumë se gjysma e votuesve në Moldavi në referendumin e mbajtur të dielën votuan për inkuadrim në BE, tregojnë të dhënat më të reja të Komisionit Qendror të Zgjedhjeve, pas 98,43 për qind të materialeve votuese të përpunuara. sa/

foto: EPA