Nuremberg, 8 korrik 2024 (MIA) – Kancelari gjerman Olaf Sholc tha se dëshiron të shohë më shumë shpejtësi në vendimmarrjen e kërkesave për azil gjatë vizitës së sotme në Zyrën Federale për Migrim dhe Refugjatë (BAMF) në Bavari.

Sholc premtoi gjithashtu përpjekje politike, për shembull për të përmirësuar kthimin e azilkërkuesve si pjesë e të ashtuquajturës Rregullore e Dublinit në nivel të Bashkimit Evropian.

"Duhet të arrijmë një ndryshim në praktikë", tha Sholc në Nuremberg dhe informoi se është në “dialog të vazhdueshëm” me kolegët e tij në disa vende evropiane.

Më parë, punonjësit e BAMF shprehën pakënaqësinë e tyre për praktikën aktuale të kancelarit. Disa vende, përfshirë Italinë, aktualisht nuk pranojnë asnjë ose vetëm një numër të vogël refugjatësh, edhe pse ata janë të detyruar ta bëjnë këtë sipas marrëveshjes së Dublinit.

Sipas Rregullores së Dublinit, vetëm një vend i BE-së është përgjegjës për ekzaminimin dhe përpunimin e procedurave të azilit – zakonisht vendi në tokën e të cilit personi që kërkon mbrojtje hyri për herë të parë në BE.

Në përgjithësi, Sholc bëri thirrje për shpejtësi më të madhe në përpunimin e kërkesave për azil. Ky është çelësi për arritjen e pranimit më të madh në mesin e popullatës", tha ai. sa/

foto: DPA