Bruksel, 19 mars 2026 (MIA) - Sekretari i përgjithshëm i NATO-s, Mark Rute, shprehu optimizëm se mosmarrëveshja midis presidentit të SHBA-së, Donald Tramp, dhe aleatëve evropianë mbi Ngushticën e Hormuzit mund të zgjidhet.

"Jam i bindur se aleatët, si gjithmonë, do të bëjnë gjithçka në mbështetje të interesave tona të përbashkëta", tha sot Rute. "Do të gjejmë një rrugë përpara".

Të dielën, Trampi sugjeroi se NATO mund të përballet me një të ardhme "shumë të keqe" nëse aleatët nuk ndihmojnë në sigurimin e kalimit të sigurt për anijet tregtare përmes ngushticës. Megjithatë, aleatët evropianë e përjashtuan shpejt pjesëmarrjen në një operacion të mundshëm ushtarak për të siguruar furnizime me karburant.

Ngushtica e Hormuzit, një rrugë kryesore detare dhe e vetmja rrugë nga Gjiri në det të hapur, është bllokuar në mënyrë efektive nga Irani në shenjë hakmarrjeje për sulmet ajrore të SHBA-së dhe Izraelit. Bllokada ka shkaktuar rritjen e çmimeve të naftës.

"Të gjithë pajtohen se kjo ngushticë nuk mund të mbetet e mbyllur. Duhet të rihapet sa më shpejt të jetë e mundur", u tha Rute gazetarëve në Bruksel. "Kjo është thelbësore për ekonominë globale." sa/

foto: DPA