Uashington, 27 qershor 2023 (MIA) - SHBA do t'i japë Ukrainës një paketë të re ndihmë ushtarake me vlerë prej 500 milionë dollarësh, njoftoi sot Pentagoni.

Pentagoni njoftoi ndihmën e re në shenjë mbështetjeje për Kievin në kohën kur Moska ende po merret me pasojat e një grusht shteti nga luftëtarët e grupit paraushtarak "Vagner".

Ndihma e re përfshin automjete luftarake "Bredli", transportues të blinduar "Strajker" dhe municione për sistemet raketore "Hajmars".

"Qëllimi i ndihmës është të forcojë aftësinë e Ukrainës për të kryer operacione kundërofensive, të forcojë aftësitë e saj të mbrojtjes ajrore ... dhe t'i sigurojë asaj mjete të tjera për të zmbrapsur forcat ruse", citohet në kumtesën e Pentagonit.

Kjo është paketa e 41-të e ndihmës amerikane për Kievin që kur forcat ruse pushtuan Ukrainën në shkurt të vitit të kaluar. sa/

foto: Arkivi i MIA-s