Uashington, 28 tetor 2023 (MIA) - SHBA-ja dhe Kina u pajtuan të punojnë së bashku në samitin e pritur mes presidentëve të dy vendeve, Xho Bajden dhe Si Xhinping muajin e ardhshëm, kumtuan dje përfaqësues zyrtarë amerikanë, pas takimeve disaorëshe mes ministrit kinez të Punëve të Jashtme Vang Ji dhe diplomatëve të lartë amerikanë në Uashington.

Në vizitën e parë të ministrit kinez të Punëve të Jashtme në Uashington në vitin 2018, diplomati veteran Vang Ji, po ashtu u takua me Bajdenin për një orë, në biseda të cilat Shtëpia e Bardhë i ka përshkruar si "mundësi e mirë" që të mbahen linje të hapura të komunikimit mes dy rivalëve gjeopolitikë, me dallime të thella në poliitkë.

"Takimet e Vang me sekretarin shtetëror amerikan Entoni Blinken dhe këshilltarin amerikan për siguri kombëtare Xhejk Salivan gjatë dy ditëve kanë zgjatur gjithsej nëntë orë", thanë persona amerikanë zyrtarë, duke i përshkruar interaksionet si "të sinqerta". bsh/

Foto: MIA arkiv