Uashington, 14 mars 2025 (MIA) - SHBA dhe Izraeli kanë kontaktuar me përfaqësues të tri vendeve të Afrikës Lindore për mundësinë e zhvendosjes së palestinezëve nga Gaza në territorin e tyre, njoftoi agjencia amerikane e lajmeve AP, duke iu referuar  burimeve amerikane dhe izraelite.

Sipas AP-së, janë kontaktuar zyrtarë nga Sudani, Somalia dhe rajoni i shkëputur i Somaliland.

Megjithatë, autoritetet sudaneze thanë se e kishin refuzuar propozimin, ndërsa zyrtarët në Somali dhe Somaliland thanë se nuk ishin në dijeni të ndonjë bisede të tillë.

Shtëpia e Bardhë dhe Departamenti Amerikan i Shtetit nuk iu përgjigjën një kërkese për koment mbi lajmin.

Në fillim të këtij muaji, liderët arabë miratuan planin e Egjiptit për rindërtimin e Gazës prej 53 miliardë dollarësh, i cili nuk përfshin zhvendosjen e palestinezëve nga enklava, duke kundërshtuar vizionin e presidentit amerikan Donald Tramp për një "rivierë të Lindjes së Mesme".

Trampi propozoi që SHBA të marrë përsipër menaxhimin e Gazës për të rindërtuar territorin e shkatërruar, pasi më parë sugjeroi se palestinezët mund të zhvendoseshin përgjithmonë. sa/

foto: Arkivi i MIA-s