Ankara, 4 dhjetor 2023 (MIA) - Turqia e ka paralajmëruar Izraelin se do të ketë "pasoja serioze" nëse i ndjek anëtarët e Hamasit, të cilët jetojnë jasht territoreve palestineze, duke përfshirë edhe Turqinë, publikoi shërbimi zbulues turk.

"Pas deklaratave të personave zyrtarë izraelitë, i dërguam paralajmërimet e nevojshme deri te ndërmjetësuesit, ndërsa e informuam edhe Izraelin se akti i tillë do të ketë pasoja serioze", thuhet në kumtesën e zbuluesve turq.

Shefi i shërbimit të brendshëm izraelit, Shin Bet, Roner Bar, tha se Izraeli do t'i ndjek anëtarët e Hamasit në Liban, Turqi dhe Katar, "madje edhe me vite të tëra nëse nevojitet", publikuan mediumet izraelite. bsh/

Foto: MIA arkiv