Uashington, 7 dhjetor 2023 (MIA) - Republikanët në Senat e kanë bllokuar ndihmën për Izraelin dhe Ukrainën gjatë kohës së votimit mbrëmë, në protestë të siç konsiderojnë ata, "politikës së sigurisë së kufijve të SHBA-së".

Votimi është bërë sipas linjës së pastër partiake, me 49 kundër 51. Për miratimin e një ligji duhen 60 vota. Në fund të votimit lideri i shumicës së Senatit, Çak Shumer e ka ndryshuar votën e tij në procedurale si "kundër" duke lejuar për ta iniciuar sërish masën për votim.

Republikanët insistojnë që ndihma për Ukrainën dhe Izraelin të varet nga një ndryshim domethënës në politikën rreth kontrollit të kufirit jugor të SHBA-së. Bëhet e ditur se po kërkohet një lloj konsensusi, por tani për tani nuk ka parashikime për një marrëveshje dypartiake.

Shtëpia e Bardhë më herët publikoi ​​një paralajmërim dëshpërues se paratë për Ukrainën po mbarojnë dhe se dështimi dhe nëse nuk sigurohet një marrëveshje e re ndihme do të përbënte një rrezik kritik për sigurinë kombëtare të SHBA-së. 

Miç Mekonel, lideri i pakicës në Senat tha se nuk do të gatuhet ligj derisa "nuk është zgjidhur seriozisht prioriteti kryesor i sigurisë kombëtare të Amerikës" dhe kërkoi që ligji të përfshijë ndryshime në politikë për të garantuar siguri më të fuqishme kufitare.

Në pakon e miratuar nga Shtëpia e Bardhë janë paraparë 61 miliardë dollarë ndihmë për Ukrainën, 14 miliard dollarë ndihmë ushtarake për Izraelin, tetë miliard dollarë për Tajvanin dhe rajonin e Paqësorit, ndërsa 14 miliardë dollarë janë për kontroll të përforcuar në kufirin jugor. Pastaj, rreth 10 miliard dollarë janë paraparë ndihma humanitare për Gazën në Bregun Perëndimor si dhe ndihmë për emigracionin dhe refugjatët në kufirin amerikano-meksikan. qa/