Hagë, 25 qershor 2025 (MIA) - Sekretari i përgjithshëm i NATO-s, Mark Rute, sot përsëriti se i qëndron besnik vlerësimeve të tij mbi presidentin amerikan Donald Tramp, për atë që e quajti "aksion vendimtar në Iran" dhe pavarësisht raporteve të medias që vënë në pikëpyetje ndikimin e vërtetë të këtyre sulmeve.

Rute dje dërgoi urim deri tek presidentit Tramp që presidenti amerikan më pas i postoi në rrjetet sociale, duke e quajtur sulmin e SHBA-së ndaj Iranit "vërtet të jashtëzakonshëm".

Mëngjesin e sotëm në samitin e NATO-s në Holandë, Rute përsëriti se nuk po e braktis atë vlerësim.

"Katërmbëdhjetë bomba të mëdha të hedhura mbi strukturë bërthamore në Iran - mendoj se kjo ishte thelbësore për të bërë gjithçka të mundshme për të shkatërruar aftësinë bërthamore të Iranit të cilën nga pikëpamja e NATO-s, ai vend nuk duhet ta arrijë kurrë", u tha Rute gazetarëve.

Komentet e tij vijnë një ditë pasi që Si-En-En publikoi se vlerësimi paraprak nga inteligjenca ushtarake amerikane sugjeron se sulmet nuk shkatërruan komponentët kyçe të programit bërthamor të Iranit, por me sipas të gjitha gjasave e vonuan atë me disa muaj. Ai vlerësim, sipas Si-En-En-it u përshkrua nga shtatë burime të njohura me përmbajtjen e tij.

Dhe pavarësisht këtyre zbulimeve, Rute e përsëriti mbështetjen e tij për veprimet e SHBA-së dhe Trampit, duke theksuar se parandalimi i Iranit nga pajisja me armë bërthamore ka qenë përparësi e hershme e Aleancës. rq/

Foto: EPA