Moskë, 29 shtator 2025 (MIA) - Presidenti rus Vladimir Putini sot nënshkroi ligjin për tërheqjen nga Konventa Evropiane për Parandalimin e Torturës, i cili mund të shihet në faqen e internetit të qeverisë ruse.

 Parlamenti rus paraprakisht votoi për tërheqjen nga traktati, të cilin Moska e ratifikoi në vitin 1998.

 Sipas ligjit të miratuar nga parlamenti, tërheqja e Rusisë nga Konventa është një përgjigje e Këshillit të Evropës, i cili refuzoi të emërojë përfaqësues rus në komitetin që mbikëqyr konventën kundër torturës.

 Ukraina muajin e kluar e kritikoi Rusinë pas njoftimit të këtij veprimi, duke thënë se propozimi është një pranim i heshtur i fajit të Moskës.

 Komisioni i Kombeve të Bashkuara për Ukrainën në mars publikoi se zhdukjet dhe torturat me forcë "të përhapura dhe sistematike" të ukrainasve nga ana e Rusisë gjatë luftës në Ukrainë përbëjnë krime kundër njerëzimit.

 Holanda dhe 40 shtete të tjera anëtare të Organizatës për Siguri dhe Bashkëpunim në Evropë kanë bërë gjithashtu thirrje për një hetim të pavarur mbi pretendimet për torturë dhe keqtrajtim të të burgosurve të luftës ukrainas nga forcat ruse.

 Foto: Arkivi i MIA-s