Uashington, 27 korrik 2025 (MIA) – Sekretari amerikan i shtetit, Marko Rubio deklaroi se presidenti Donald Tramp gjithnjë e më shumë po e humb durimin me zvarritjet nga ana e Rusisë në përfundimin e luftës në Ukrainë.

"Edhe pse ka kontakte të mira telefonike me presidentin rus Vladimir Putin, nga ato bisedime nuk ka rezultate reale. Po vjen koha për veprime konkrete dhe presidenti e ka bërë të qartë këtë", ka thënë Rubio për Foks njuz.

Ai shtoi se kjo nuk është një luftë që Trampi e ka filluar, por se bën gjithçka që mundet për ta përfunduar atë.

Rubio deklaroi gjithashtu se mbi 100.000 ushtarë rusë kanë humbur jetën që nga fillimi i vitit dhe akuzoi Kremlinin për përdorimin e taktikave të vonimit. Sipas tij, Kina luan një rol kyç në ruajtjen e konfliktit përmes mbështetjes për Rusinë, veçanërisht duke blerë naftë ruse.

Ai shtoi gjithashtu se disa vende si Kina, Rusia dhe Koreja e Veriut janë bërë më të kujdesshme në mbështetjen e Iranit pasi SHBA demonstroi fuqinë e saj përmes operacioneve ushtarake precize.

"Presidenti Tramp u kujtoi fuqive botërore superioritetin ushtarak të Amerikës", tha Rubio.

foto: arkivi