Shkup, 24 mars 2025 (MIA) - Depozitat në shkurt në nivel vjetor shënojnë rritje prej 11,1%, ndërsa kreditë e përgjithshme rritje prej 11,5%, bën të ditur Banka Popullore (BP).

Në shkurt 2025, oferta monetare shënon rritje mujore prej 0.2% nën ndikimin e rritjes së depozitave dhe atyre afatgjate deri në dy vjet, ndërsa depozitat afatshkurtra dhe paratë në qarkullim shënuan rënie. Rritja vjetore e ofertës monetare është 9.2% dhe vjen kryesisht nga rritja e depozitave dhe atyre afatgjate deri në dy vjet, me një kontribut më të vogël pozitiv nga monedha në qarkullim dhe depozitat afatshkurtra.

Depozitat e përgjithshme në muajin shkurt u rritën për 0.4% në nivel mujor, si rezultat i rritjes së depozitave në sektorin e "amvisërive" në kushte të rënies së depozitave në sektorin e korporatave. Krahasuar në bazë vjetore është shënuar rritje prej 11.1%, si rezultat i rritjes së depozitave të të dy sektorëve, me një kontribut më të theksuar në rritjen e depozitave të sektorit "amvisëri".

Në muajin shkurt, kreditë në total u rritën për 1.1% dhe 11.5% në nivel mujor dhe vjetor. Ndryshimi në të dyja nivelet është rezultat i rritjes së kreditimit për të dy sektorët, me një kontribut më të theksuar në rritjen e kredisë së sektorit të korporatave.

Depozitat në total në sektorin e korporatave në muajin shkurt shënuan rënie mujore prej 1.0% si pasojë e rënies së depozitave afatshkurtra në valutë, ndërsa komponentët e tjera shënuan rritje. Rritja vjetore është 7,4% dhe del nga rritja e depozitave, depozitat afatshkurtra në denarë dhe depozitat afatgjata në denarë dhe në valutë, gjatë rënies së depozitave afatshkurtra në valutë. Në muajin shkurt, kredia e sektorit të korporatave shënon rritje mujore dhe vjetore përkatësisht 1.5% dhe 14.3%. Ndryshimet mujore dhe vjetore janë në tërësi si pasojë e rritjes së kreditimit në denarë, në kushte të rënies së kredive në valutë.

Analizuar nga qëllimi i kredisë për personat fizik, në muajin shkurt, tek kreditë konsumatore dhe ato për banim, si kategori më të kërkuara, shënohet rritje mujore përkatësisht prej 0.9% dhe 1.2%, rritje vjetore përkatësisht 8.5% dhe 13.3%.

Foto: MIA