Los Anxhelos, 2 mars 2023 (MIA) - Një komision i posaçëm i shtetit federal amerikan të Kalifornisë hodhi poshtë dje një kërkesë të re për lirim me kusht të paraqitur nga Sirhan Sirhan, i cili, sipas vendimit, qëlloi për vdekje senatorin Robert Kenedi në vitin 1968.

Ndryshe, në gusht të vitit 2021, një komision tjetër dha dritën jeshile për lirimin e tij, por në janar të vitit të ardhshëm, guvernatori i Kalifornisë, Gevin Njusom, e kundërshtoi atë vendim, duke e vlerësuar atë si "të paarsyeshëm", sepse beson se Sirhan është " një kërcënim për rendin publik”, veçanërisht për shkak të refuzimit të tij për të “marrë përgjegjësinë për aktin e tij”. I dënuari ka më shumë se gjysmë shekulli në burg, pavarësisht dyshimeve se ai është vërtet fajtor për këtë vrasje.

Në vitin 1969, palestinezi Sirhan Sirhan (78) u shpall fajtor për vrasjen e Robert Kenedit, vëlluit më të vogël të presidentit amerikan Xhon F. Kenedi, i cili ishte vrarë më parë. Senatori i shtetit të Nju Jorkut Robert Kenedi zhvilloi gjithashtu një fushatë presidenciale.

Sirhan fillimisht u dënua me vdekje, por më vonë dënimi i tij u ndryshua në burgim të përjetshëm.

Faji i tij është ende duke u pyetur. Për shembull, gjyqi tregoi se Robert Kenedi u qëllua nga pas, por sipas disa dëshmitarëve okularë, Sirhan ishte para tij. Disa raporte thonë se janë shkrepur 13 të shtëna dhe arma e Sirhanit ishte e mbushur me tetë plumba.

Ai gjithashtu pretendon se rrëfimet e tij të mëparshme në gjyq ishin rezultat i këshillave të këqija ligjore. sa/