Tiranë, 10 qershor 2023 (MIA) - Kryeministri shqiptar Edi Rama ka reaguar ndaj kritikave të marra për projektstatutin e propozuar prej tij për formimin e Asociacionit të Komunave Serbe.

Përmes një postimi në "Tuiter", Rama vlerëson se "ata që kritikojnë kanë frikë se mos humbasin armikun që u krijon një kusht ekzistencial për të folur dhe për t’u sjellë sikur janë në llogore".

Ai shton se lufta përfundoi në vitin 1999 dhe se armiku u mund.

"Ata që kritikojnë dhe akuzojnë pa e ditur se çfarë përmban projekt-statuti i OBSH-së kanë frikë vetëm nga një gjë: të mos humbasin armikun që u krijon kushte ekzistenciale për të folur dhe për t'u sjellë sikur të ishin në llogore, edhe pse lufta përfundoi në  vitin 1999 dhe armiku u mposht", shkruan Rama.

Kryeministri Rama njoftoi dy ditë më parë se i ka dorëzuar presidentit francez Makron dhe kancelarit gjerman Sholc një draft për Asociacionin e Komunave Serbe, për të cilin ka njoftuar edhe kryetarin e Këshillit Evropian, Sharl Mishel, dhe palën amerikane.

Rama më pas deklaroi se "krijimi i një asociacioni të komunave serbe në Kosovë është çelësi për të hapur përfundimisht derën për afirmimin ndërkombëtar të Republikës së Kosovës dhe njohjen e saj nga të gjithë, anëtarësimin në Kombet e Bashkuara dhe të gjitha forumet ndërkombëtare dhe njohjen reciproke me Serbinë".

Ai tha dje se Propozimi i Statutit për AKS-së është "kontribut i Shqipërisë si shtet vëlla me Kosovën". sa/