Seul, 30 prill 2025 (MIA) - Rreth 600 ushtarë të Koresë së Veriut e kanë humbur jetën gjatë luftimeve në Rusi kundër Ukrainës, njoftuan sot deputetët e Koresë së Jugut, duke u thirrur në agjencinë e inteligjencës së Koresë së Jugut. Sipas tyre, gjithsej 15,000 ushtarë të Koresë së Jugut u stacionuan në zonë, raportojnë agjencitë botërore.

Sipas deputetëve, deri tani gjithsej 4.700 ushtarë nga Koreja e Veriut janë vrarë ose plagosur në rajonin e Kurskut. Megjithatë, deputetët shtuan se ushtria e Koresë së Veriut ka demonstruar aftësi të shtuara luftarake në muajt e fundit, duke përdorur pajisje ushtarake moderne.

Në këmbim të vendosjes së trupave dhe furnizimit të Rusisë me armë, Pheniani me sa duket mori ndihmë teknike për satelitët e tij spiunë, si dhe dronë dhe raketa kundërajrore, thanë parlamentarët.

Më herët këtë javë, Pheniani konfirmoi për herë të parë se kishte dërguar trupa në Rusi me urdhër të udhëheqësit Kim Xhong-un dhe se ato e kishin ndihmuar atë të rifitonte kontrollin e territorit rus i cili u pushtua nga forcat ukrainase verën e kaluar.

Vendosja e paprecedentë e mijëra trupave të Koresë së Veriut, si dhe sasitë masive të predhave të artilerisë dhe raketave të dërguara i dhanë Rusisë një avantazh vendimtar në fushën e betejës në rajonin perëndimor të Kurskut.

Li Seong-kuon shtoi se trupat e ushtarëve të vdekur të Koresë së Veriut u dogjën në Kursk, ndërsa më pas u dërguan në Korenë e Veriut.

Besohet se Pheniani, gjithashtu ka dërguar rreth 15,000 punëtorë në Rusi, thanë ligjvënësit, duke cituar vlerësime të inteligjencës. qa/

Foto: EPA