Përmes aplikacionit Telegram kompania kumtoi se Vitrenko (46) do të mbetet në këtë pozitë deri më 3 nëntor, por nuk janë dhënë detaje shtesë. Vitrenko ishte drejtor ekzekutiv i "Naftogasit" nga prilli i vitit 2021, ndërsa tani për tani nuk ka dhënë kurrfarë elaborimi për këtë vendim të tijin. Dorëheqja e Vitrenkos vjen pas serisë së sulmeve raketore ruse mbi kapacitetet energjetike ukrainase javëve të fundit. "Naftogas" është në kontest juridik me kompaninë energjetike shtetërore ruse "Gazprom" rreth transitimit të gazit rus.