Varshavë, 13 gusht 2023 (MIA) - Kryeministri polak, Mateush Moravjecki sot paralajmëroi se Qeveria në referendum do t'i pyesë qytetarët nëse dëshirojnë të pranojnë "mijëra emigrantë ilegal nga Lindja e Afërt dhe Afrika" si pjesë të planit për rilokacion të Bashkimit Evropian (BE).

Moravjecki e paralajmëroi referendumin përmes videos së publikuar në rrjetet sociale.

Partia e tij E drejta dhe drejtësia po tenton ta ruajë pushtetin në zgjedhjet parlamentare në tetor dhe dëshiron ta shfrytëzojë çështjen për emigracionin në fushatën e vet zgjedhore, taktikë e njejtë që i ndihmoi të vijë në pushtet në vitin 2015.

Polonia për momentin është vatër e mbi një milion refugjatëve ukrainas.

Në qershor, ministrat e punëve të brendshme të BE-së e mbështetën planin për zbatim të përgjegjësisë për emigrantët të cilët hyjnë në Evropë pa leje, që është baza e një prej krizave më të gjata politike në Evropë.

Kriza e emigrantëve në Evropë filloi para tetë viteve pasi që mbi një milion njerëz të cilët ikën nga lufta në Siri hynë në BE dhe i ngarkuan kapacitetet pranuese në Greqi dhe Itali. ab/

Foto: МIА arkivi