Madrid, 8 maj 2023 (MIA) – Shërbimi Meteorologjik Shtetëror i Spanjës (AEMET) në deklaratën e sotme thekson se prilli ka qenë më i ngrohti dhe me më së paku shi që nga viti 1961.

Sipas AEMET, temperatura mesatare ditore në muajin prill ka qenë 14,9 gradë Celsius, që është tre gradë më e lartë se temperatura mesatare, pra temperatura mesatare maksimale e muajit të kaluar është rritur për 4,7 gradë Celsius.

Reshjet ishin një e pesta e atyre që do të priten normalisht gjatë muajit, duke e bërë atë prillin më të thatë në vend.

Viti i kaluar ishte më i nxehti dhe më i thati në Spanjë që nga fillimi i matjeve në vitin 1961.

Tre vitet e fundit me pak shi dhe temperatura të larta shkaktuan që Spanja të jetë në një thatësirë ​​afatgjatë.

Një studim nga shkencëtarët ndërkombëtarë i publikuar javën e kaluar zbuloi se temperaturat rekord të prillit në Spanjë, Portugali dhe Afrikën e Veriut janë qindra herë më të mundshme për shkak të ndryshimeve klimatike të shkaktuara nga njeriu dhe do të kishin qenë pothuajse të pamundura në të kaluarën. ls/

Foto: Arkiv i MIA-s