Abu Dabi, 26 mars 2025 (MIA) - Presidenti i Emirateve të Bashkuara Arabe, Sheik Mohamed bin Zajed Al Nahjan dhe presidenti amerikan Donald Tramp dje biseduan përmes telefonit për përpjekjet për të arritur armëpushim në Gazë, njoftuan sot mediat arabe.

Presidenti i Emirateve i bëri thirrje Trampit që të sigurojë ndihmë për popullin e Gazës, si dhe të mbështesë një zgjidhje për dy shtetet.

Në fillim të shkurtit, Trampi prezantoi një plan për Gazën që përfshin zhvendosjen e palestinezëve dhe krijimin e një "riviere të Lindjes së Mesme" e cila u dënua nga udhëheqësit globalë.

Shtetet arabe, përfshirë EBA-në, kanë mbështetur planin alternativ të Egjiptit për rindërtimin e Gazës i cili do të kushtonte 53 miliardë dollarë dhe nuk do të përfshinte zhvendosjen e palestinezëve, por nuk dihet nëse Trampi dhe Al Nahjani e kanë diskutuar këtë.

Anvar Gargash, këshilltar diplomatik i presidentit të EBA-s, në fund të shkurtit tha se plani i rindërtimit të Gazës nuk mund të ndodhte pa një rrugë të qartë për një zgjidhje me dy shteteve për Izraelin dhe palestinezët.

Emiratet e Bashkuara Arabe janë ndër të paktat shtete arabe që normalizuan lidhjet me Izraelin në marrëveshjet e vitit 2020, me ndërmjetësim të Trampit. 

Izraeli kohët e fundit rifilloi ofensivën e tij në Gazë, duke vrarë më shumë se 700 palestinezë, ndërsa autoritetet palestineze njoftuan se numri i përgjithshëm i viktimave palestineze që nga tetori 2023 kishte tejkaluar 50,000. qa/

Foto: arkivi i MIA-s