Londër, 20 korrik 2025 (MIA) - Policia britanike arrestoi dje 55 persona në një tubim të organizatës së ndaluar "Veprimi Palestinez" para Parlamentit në Londër, njoftoi policia.

Protestuesit në sheshin e Parlamentit mbanin pankarta në mbështetje të organizatës, e cila u ndalua më parë këtë muaj sipas ligjeve antiterroriste të vendit.

Pjesëmarrësit në tubim, të cilët mbanin veshur kefija (shami tradicionale palestineze bardh e zi me kuadrata), u futën në furgonë policie.

Parlamenti britanik ndaloi "Veprimin Palestinez" më 5 korrik, pasi aktivistët e lëvizjes sulmuan një bazë të Forcave Ajrore Mbretërore dhe dëmtuan aeroplanë në shenjë proteste ndaj mbështetjes së Britanisë së Madhe për Izraelin. Anëtarësimi në organizatë tashmë është i dënueshëm deri në 14 vjet burg. sa/

foto: EPA