Kërçovë, 31 tetor 2022 (MIA) - Po digjet barë i thatë në afërsi të fshatit kërçovar Tajmishtë, konfirmoi për MIA-n Qendra Rajonale për Menaxhim me Kriza nga Ohri.

Sipas informacionit, dje kanë intervenuar dy automjete zjarrfikëse nga Njësiti Zjarrfikës i Kërçovës me gjashtë zjarrfikës dhe tre të punësuar në ndërmarrjen pyjore "Llopushnik".

"Në teren sot janë tre të punësuar në ndërmarrjen pyjore 'Llopushnik'. Zjarri është larg vendbanimeve dhe nuk ekziston rrezik që të kaplojë shtëpitë", deklaruan nga QRMK Ohër.

Sipas QRMK, pylli dhe bari i thatë po digjet në afërsi të fshatit kërçovar Baçishtë, por edhe atje ishte larg vendbanimit dhe nuk kishte rrezik për popullatën. fc/

Fotografia: Arkivi i MIA-s