Bukuresht, 14 shtator 2024 (MIA) - Pesë persona janë gjetur të vdekur pas stuhisë që goditi Rumaninë lindore dhe dhjetëra janë bllokuar në zonat e përmbytura, njoftuan sot shërbimet rumune të emergjencës.

Trupat e pajetë janë gjetur në Peçe, Dragusheni, Kostaçe Negri dhe Korod.

Shërbimet e shpëtimit po luftojnë për të shpëtuar 95 persona në rrethet lindore të goditura rëndë, Galati dhe Vaslui. Një helikopter është dërguar në Galati për të ndihmuar në kërkim-shpëtim.

Stuhia goditi 19 vende në tetë qarqe në Rumani, ndërsa era e fortë rrëzoi dhjetëra pemë të cilat dëmtuan makina dhe bllokuan rrugët si dhe pamundësuan trafikun.

Për shkak të stuhisë, kryeministri rumun Marsel Çolaku anuloi sot vizitën në zonën e Galatit.

Nga stuhia, shiu i rrëmbyeshëm dhe përmbytjet këtë fundjavë u prekën Republika Çeke, Polonia, Austria, Gjermania, Sllovakia dhe Hungaria. sa/

Foto: EPA