Tajpej, 18 shtator 2024 (MIA) - Pejxherët e përdorur në sulmet e djeshme në Liban u prodhuan nga një kompani me bazë në Budapest e cila ishte e autorizuar të përdorte markën tregtare të kompanisë tajvaneze, Gold Apollo.

Pejxherët janë prodhuar nga BAC Consulting KFT me seli në kryeqytetin e Hungarisë, kumtoi sot Gold Apollo, e cila vuri në dukje se është e vetmja përgjegjëse për prodhimin e BAC.

Ekspertët konsideeojnë se materiali shpërthyes ishte vendosur në pejxher para dorëzimit dhe përdorimit të tyre.

Kryetari i Gold Apollo, Hsu Çing-kuang, deklaroi se kompania kishte një marrëveshje autorizimi me BAC për tre vitet e fundit.

Të paktën 12 persona u vranë, ndërsa 2.800 u plagosën kur pejxherët që i shfrytëzonin anëtarët e Hezbollahut, shpërthyen njëkohësisht në Liban. rq/

Foto: arkivi i MIA-s