Tiranë, 5 shtator 2025 (MIA) - Gjatë tetë muajve të kaluar të këtij viti, në Shqipëri kanë qëndruar 8,96 milionë turistë, që është për 440 mijë më shumë krahasuar me të njëjtin periudhë të vitit të kaluar, përkatësisht 1,77 milionë më shumë se në vitin e kaluar.

Duke prezantuar shifrat, kryeministri Edi Rama, në fjalimin e tij në ngjarjen "Shqipëria 2030", të organizuar nga Ministria e Turizmit, shprehu kënaqësi për rritjen e vazhdueshme të numrit të turistëve, duke theksuar se rritja e numrit të turistëve nuk është më prioritet, por ngritja e cilësisë dhe numrit të vizitorëve që do të shpenzojnë më shumë.

"Është vënë re një rritje e madhe e turistëve nga Franca, Gjermania, dhe është rritur ndjeshëm numri i atyre nga Kina, India, Australia. Rritja e shifrave për ne nuk është më prioriteti kryesor, prioritet është të rritet cilësia e shërbimeve dhe numri i turistëve që shpenzojnë më shumë në vendin tonë. Ekziston një korrelacion shumë interesant midis rritjes së numrit të vizitorëve dhe përmirësimit të perceptimit për vendin tonë dhe qytetarët tanë", tha Rama. 

Ai i hodhi poshtë, duke i quajtur dezinformata të këqija, lajmet se këtë vit është ulur numri i turistëve nga Kosova për plot 140 mijë.

"Nuk është e vërtetë që numri i vizitorëve nga Kosova është ulur. Kjo nuk figuron në asnjë shifër konkrete, përkundrazi, ka një rritje të vogël, sepse, në fakt, ka pak ose aspak nuk ka shqiptarë në Kosovë që nuk kanë qenë në Shqipëri",  theksoi Rama.

Ai kritikoi pronarët e kapaciteteve akomoduese dhe tregtarët për rritjen e shpejtë të çmimeve këtë verë, gjë që natyrisht ka një ndikim negativ mbi kohëzgjatjen e qëndrimit të turistëve.

Vitin e kaluar, vendi ka vërejtur një numër rekord vizitorësh prej 11,7 milionë turistësh, që ishte për 15,2 për qind më shumë krahasuar me vitin e mëparshëm, ku më të shumtë ishin turistët nga Kosova dhe Maqedonia. Deri në vitin 2030 pritet që në vend të qëndrojnë mbi 20 milionë turistë. qa/

Foto: Printskrin Rama FB