Jerusalem, 8 gusht 2025 (MIA) - Lideri i opozitës izraelite, Jair Lapid, e quajti vendimin e kabinetit të sigurisë për të pushtuar qytetin e Gazës një "katastrofë" që "do të çojë në shumë fatkeqësi të tjera".

Ai shkroi sot në "X" se marrja e planifikuar e qytetit më të madh në Rripin e Gazës do të çonte në vdekjen e pengjeve, si dhe në vrasjen e shumë ushtarëve izraelitë.

“Kryeministri Benjamin Netanjahu u detyrua të merrte këtë vendim nga partnerët e tij të koalicionit të ekstremit të djathtë, Itamar Ben-Gvir dhe Bezalel Smotrih, pavarësisht kundërshtimit nga udhëheqja ushtarake”, tha Lapid.

Dy ministrat e ekstremit të djathtë janë mbështetës të idesë së pushtimit të plotë të Rripit të Gazës dhe dëbimit të afërsisht 2 milionë palestinezëve që jetojnë atje.

Herët këtë mëngjes, kabineti izraelit i sigurisë miratoi një plan për të pushtuar qytetin e Gazës.

Para fillimit të takimit, Netanjahu deklaroi për rrjetin televiziv amerikan Foks njuz se Izraeli dëshiron të marrë kontrollin e të gjithë Rripit të Gazës, por jo ta pushtojë atë përgjithmonë. "Territori palestinez duhet të çlirohet nga organizata islamiste Hamas dhe përfundimisht t'u dorëzohet forcave të tjera", shtoi Netanjahu. ls/

Foto: Arkivi i EPA-s