Gazë, 10 janar 2024 (MIA) -  Organizata Botërore e Shëndetësisë (OBSH) sot ka anuluar edhe një tjetër mision të planifikuar për ndihmë mjekësore në Gazë për arsye sigurie, raportojnë mediat britanike.

 Drejtori i përgjithshëm i OBSH-së Tedros Adanom Gebrejesus, deklaroi se agjencia e KB-së e ka anuluar misionin e saj të gjashtë  në veri të Gazës për shkak se kërkesat për të hyrë në pjesën e enklavës nuk ishin miratuar ose nuk janë përmbushur garancitë e sigurisë që nga vizita e fundit më 26 dhjetor, raportuan mediat britanike.

"Bombardimet intensive, kufizimet e lëvizjes, mungesa e karburantit dhe komunikimi i ndërprerë e pengojnë OBSH-në dhe partnerët tanë të arrijnë tek ata të cilër kanë nevojë", tha Tedrosi në një konferencë për shtyp onlajn nga Gjeneva. 

 OBSH-ja i bëri thirrje Izraelit t'i miratojë kërkesat e tyre dhe kërkesat e partnerëve të tjerë për dërgimin e ndihmës humanitare.

 Ofensiva izraelite filloi pasi grupi militant Hamas e sulmoi  pjesën jugore të Izraelit më 7 tetor, duke zhvendosur më shumë se 2.3 milionë banorëve të Gazës.

 Shumica  i kanë braktisur shtëpitë e tyre, infrastruktura civile është e rrënuar, ndërsa ka mungesë të madhe të ushqimit, ujit dhe ilaçeve.

 OBSH-ja bëri të ditur se në Gazë për momentin janë vetëm 15 spitale funksionale ose pjesërisht funksionale në Gaza.

 Foto: Arkivi i MIA-s