Nejpido, 29 mars 2025 (MIA) - Numri i të vdekurve nga tërmeti shkatërrues në Mianmar është rritur në 1.644, njoftuan agjencitë botërore, duke cituar informacione nga hunta në pushtet në Mianmar. Të paktën 139 persona janë të zhdukur. Të lënduar janë 3.408 persona. Këto numra pritet të rriten.

Vazhdojnë operacionet e kërkim-shpëtimit në Mianmar, veçanërisht në qytetet më të mëdha të prekura - Mandalej dhe kryeqytetin Nejpido. Ekipet e shpëtimit dhe pajisjet tashmë kanë mbërritur nga vende të tjera. Por këtë proces e ka vështirësuar për shkak të dëmtimeve që i ka shkaktuar tërmeti në infrastrukturën e aeroportit të të dy qyteteve. 

 Imazhet satelitore nga kompania Planet Labs PBC treguan se tërmeti shkatërroi kullën e kontrollit të trafikut ajror në aeroportin Nejpido. Ende është e paqartë nëse ka pasur të lënduar apo të vdekur nga shembja e kullës.

 Ndërkohë, ekipet e shpëtimit nxorrën sot një grua 30-vjeçare nga rrënojat e ndërtesës së saj në Mandalej, njoftuan agjencitë. Gruaja është dërguar në spital. Ajo ishte nën rrënoja 30 orë.

Foto: EPA