Manama, 10 mars 2026 (MIA) - Një person u vra dhe disa të tjerë u plagosën në një sulm iranian në një zonë banimi në kryeqytetin e Bahreinit, Manama, njoftoi Ministria e Brendshme e vendit herët këtë mëngjes.

"Të dhënat e para tregojnë se një person u vra, ndërsa disa të tjerë u plagosën në një sulm të dukshëm iranian ndaj një ndërtese banesore në kryeqytet", shënoi Ministria në rrjetin social "X".

Në ndërkohë, Emiratet e Bashkuara Arabe (EBA), në mëngjes publikuan se konsullata e tyre e përgjithshme në Kurdistanin irakian u sulmua me dron.

Ky sulm, "paraqet një përshkallëzim të rrezikshëm dhe kërcënim për sigurinë dhe stabilitetin rajonal", thuhet në kumtesën e Ministrisë së Punëve të Jashtme të EBA-së.

Është raportuar dëm material, por nuk ka viktima, shtoi burimi i njejtë.

"Sulmi ndaj misioneve dhe hapësirave diplomatike është shkelje e ashpër e të gjitha rregullave dhe ligjeve ndërkombëtare", shtoi Ministria. Nuk saktësoi prej ku është lëshuar raketa dhe u bëri thirrje autoriteteve lokale t'i hetojnë rrethanat rreth këtij sulmi për të identifikuar përgjegjësit. sa/

foto. EPA arkivi