Prishtinë, 5 gusht 2023 (MIA) - Një person ka humbur jetën, ndërsa 17 janë plagosur nga të shtënat me armë zjarri që kanë ndodhur pak para mesnatës në lokalin "Bon Vivant" në Prishtinë.

Siç konfirmon policia e Kosovës, bëhet fjalë për persona të moshës nga 20 deri në 40 vjeç.

Zëdhënësi i Policisë Rajonale të Prishtinës, Agron Borovci, për mediat deklaroi se rreth orës 23:30 është raportuar për të shtëna me armë zjarri në një lokal në rrugën “Rexhep Luça” në Prishtinë, transmeton Beta.

"Policia ka dalë menjëherë në vendin e ngjarjes dhe sipas informacioneve fillestare dyshohet se disa janë lënduar me armë zjarri, e të tjerë nga copëza xhami", tha Borovci.

Ai tha se aktualisht të paktën dy persona dyshohen të jenë të përfshirë në atë rast, ndërsa janë duke u zbuluar edhe të dy shuar të tjerë të mundshëm. ls/

Foto: Arkivi i MIA-s