Odesa, 28 qershor 2025 (MIA) – Një person është vrarë, ndërsa 14 janë plagosur gjatë natës në sulmin më të ri rus me fluturake pa pilot ndaj qytetit jugor ukrainas Odesa, njoftoi prokurori shtetëror i Ukrainës, transmeton agjencia Anadollia. 

“Në natën e 20 qershorit, rusët kryen sulm masiv me fluturake pa pilot ndaj Odesës duke shfrytëzuar të paktën dhjetë fluturake pa pilot”, njoftuan prokurorët, duke thënë se ndërtesa banesore 23-katëshe dhe blloqe të tjera banesore ishin në mesin e strukturave të dëmtuara. 

Tre shpëtimtarë, gjithashtu, janë në mesin e të plagosurve, shtohet në kumtesë. 

Pas sulmit zjarre shpërthyen në disa lokacione në qytet, ndërsa autoritetet lokale ende e vlerësojnë shkallën e dëmit material. 

Sulmi më i ri vjen pas një varg sulmesh me fluturake pa pilot përgjatë Ukrainës jugore. 

Pala ruse ende nuk u është përgjigjur akuzave ukrainase, ndërsa për momentin është pamundësuar edhe konfirmim i pavarur i asaj që është thënë duke pasur parasysh konfliktin aktual të armatosur. fc/

Foto: Shërbimi ukrainas për situata të jashtëzakonshme