Berlin, 22 maj 2023 (MIA) - Shefi i agjencisë së inteligjencës gjermane Bfv, Tomas Haldenvang, sot paralajmëroi për rritjen e ekstremizimit të nxitur nga shtetet autoritare si Rusia, për të cilat thotë se duan ta ndajnë shoqërinë dhe ta rrëzojnë qeverinë e zgjedhur. 

Agjencitë gjermane të sigurisë gjatë viteve të fundit i parandaluan planet e grupeve më të vogla lidhur me lëvizjen e Qytetarëve nga Rajhu, të akuzuar për komplot për sulme ndaj infrastrukturës kyçe, përfaqësues qeveritarë dhe Bundestagut. 

Edhe pse nuk është e qartë se sa planet ishin me ndikim të gjerë, autoritetet shprehën shqetësim se komplotistët kishin sukses të merrnin armë dhe të rekrutonin personalitete të cilat zakonisht nuk janë në radarin e agjencive të sigurisë, siç janë gjykatësit dhe policët. 

Haldenvang, i cili e kryeson Institutin Federal për Mbrojtje të Kushtetutës (Bfv), tha se është veçanërisht i shqetësuar për shkak të lidhjes së disa grupe të ndara, nga e djathta ekstreme deri në teoricientë të komplotit, dhe gatishmërisë së tyre që të përdorin armë. 

"Ajo që i bashkon këto grupe është ajo që ata e precizojnë vendin tonë dhe sistemin demokratik", e hedhin poshtë dhe duan ta shfuqizojnë", deklaroi Haldenvang. fc/

Fotografia: EPA