Valeta, 2 maj 2025 (MIA) - Një anije me aktivistë propalestinezë mori flakë në ujërat ndërkombëtarë në Maltë, ndërsa ekuipazhi dërgoi sinjalin SOS pas, siç thonë, sulmit me dron. 

Koalicioni "Fridom Flotila", i cili kundërshton bllokadën izraelite në Gazë, për Si-En-En deklaroi se në anije ka pasur 32 persona në momentin e sulmit. Sipas pretendimeve të tyre, sulmi ka ndodhur pak pas mesnatës sipas kohës lokale.

"Në anije tani ka një vrimë dhe ajo po fundoset", deklaroi zëdhënësja e koalicionit Jasemin Axhar, e cila në momentin e bisedimeve ndodhej në Maltë. Ajo shtoi se nga anija kishte dërguar thirrje për ndihmë në vendet përreth, përfshirë edhe Maltën, dhe se "një varkë e vogël nga Qiproja jugore u nis drejt tyre." Axhari deklaroi se pas sinjalit SOS, ajo arriti të kontaktojë disa anëtarë të ekuipazhit.

Koalicioni postoi një video në profilin e tij në platformën X ku tregohej një anije në flakë dhe tym që ngrihej lart. Në një video tjetër që ata publikuan, dëgjohen dy shpërthime të forta. "Anija jonë ndodhet 17 kilometra nga brigjet e Maltës, në ujërat ndërkombëtarë, dhe ishte sulmuar dy herë me dron", deklaroi Axhar, duke shtuar se, sipas gjitha gjasave, në shënjestër ishin gjeneratorët në pjesën e përparme të anijes. 

Flotila nuk bëri asnjë akuzë se kush mund të qëndronte pas sulmit. qa/

Foto: printskrin