Denver, 14 mars 2025 (MIA) - Dymbëdhjetë persona u lënduan lehtë kur një aeroplan i Amerikan Erlajns u ul në Aeroportin Ndërkombëtar të Denverit, Kolorado, dhe mori flakë, duke shkaktuar aktivizimin e gypave prej gome në mënyrë që pasagjerët të evakuohen shpejt.

Fluturimi nga aeroporti i Kolorados për në Dallas Fort Vort u devijua për në Denver dhe aeroplani u ul i sigurt mbrëmë rreth orës 17:15 pasi ekuipazhi raportoi dridhjet e motorit, njoftoi Administrata Federale e Aviacionit të SHBA-së (FAA).

"Ndërsa aeroplani po shkonte drejt portës, motori i Boingut 737-800 mori flakë”, kumtoi FAA.

Pamjet dhe videot e publikuara në media tregojnë pasagjerët që qëndrojnë në krahun e aeroplanit ndërsa tymi e rrethon aeroplanin. FAA tha se pasagjerët dolën nga aeroplani përmes një rrëshqitjeje.

Nuk dihet ende se kur ka marrë flakë aeroplani.

Të gjithë 172 pasagjerët dhe gjashtë anëtarët e ekuipazhit u dërguan në terminal, thanë zyrtarët e kompanisë ajrore.

Kompania falënderoi anëtarët e ekuipazhit dhe shpëtimtarët për veprimin e tyre të shpejtë dhe vendimtar, prioriteti i të cilëve ishte siguria e të gjithëve në aeroplan.

Zjarrfikësit kanë shuar zjarrin gjatë mbrëmjes, ndërsa FAA do të kryejë hetimet. sa/

foto: Printskrin Bi-Bi-Si