Beograd, 18 nëntor 2023 (MIA) - Ministri i Bujqësisë, Pylltarisë dhe Ekonomisë së Ujërave Ljupço Nikollovski pret që këtë vit të thyhen rekordet e verës së eksportuar. Ai në një intervistë për MIA-n thotë se vera e Maqedonisë është ambasadori ynë më i madh dhe se po hapen tregje të reja si Koreja, Brazili dhe vende të tjera në botë.

“Të gjitha politikat që ne drejtojmë janë në drejtim të prodhimit të një produkti final dhe pikërisht për këtë vit eksporti i verës në shishe është rritur me 12 milionë euro, ndërsa eksporti i verës me shumicë ka rënë. Fakti që eksporti i verës me shumicë po bie dhe eksporti i verës në shishe po rritet, tregon se realisht të gjitha politikat, masat dhe aktivitetet çojnë në drejtim të përpunimit të rrushit tonë dhe të punës në brendimin dhe imazhin e verës maqedonase”, thekson Nikollovski në intervistën për MIA-n të cilën e ka dhënë në panairin “Vizioni i Verës në Ballkanin e hapur” që mbahet nga 16 deri më 20 nëntor në Panairin e Beogradit.

Në video-intervistën, të cilën në vijim e transmetojmë të plotë, Nikollovski thekson se jemi të njohur si vend i verës dhe se vera është produkti bujqësor më i eksportuar pas duhanit. Nga 28 shtete dhe mbi 600 kantina në panair, janë të pranishme 74 kantina nga vendi.

“Maqedonia është vend i verës, vera është ambasadori ynë më i madh. Aktualisht, sipas shifrave të fundit, jemi vendi i parë në rajon, madje përpara Greqisë dhe vendeve të tjera, në eksportet e verës. Pres që viti 2023 të thyejë rekorde për vlerën e verës së eksportuar. Është veçanërisht e rëndësishme që eksporti i verës në shishe është në rritje dhe vetëm në vitin e fundit kemi një eksport më të lartë për 30 për qind të verës në shishe. Veraritë familjare maqedonase, kantinat e vogla maqedonase janë ndër më të vizituarat. Vetëm pak vite më parë kishim 30, ndërsa sot jemi në një numër të mirë prej afro 300 kantinash të regjistruara”, thekson Nikollovski.

Intervisata e plotë me video materialin:

Z. Nikollovski, kryeministri Dimitar Kovaçevski tha se importuesi më i madh i verës sonë është Serbia dhe se vitin e kaluar kanë importuar verë maqedonase në vlerë prej 20 milionë dollarësh. A është i saktë ky informacion?

“Po. Vera maqedonase është më e përfaqësuar në vendet e rajonit të ish-Jugosllavisë, por edhe në Evropë. Është e vërtetë se Serbia ka eksportin më të madh të verës maqedonase. Rreth 20 milionë dollarë është eksporti në vitin e fundit në Serbi. Sidoqoftë, po hapen edhe tregje të reja - Korea, Brazili, vende të tjera. Veraritë tona përgatisin dhe zbatohen kontratat.

Ligji i ri i verërave që miratuam është pikërisht në atë drejtim. Për shkak të pranisë sonë në tregun evropian, ne kemi një ligj që është plotësisht në përputhje me BE-në. Gjithashtu, një muaj më parë, Qeveria miratoi për herë të parë Strategjinë e re Kombëtare dhjetëvjeçare për zhvillimin e vreshtarisë dhe verëtarisë. Shifrat për rritjen e eksporteve tregojnë se vera është disi produkti bujqësor më i eksportuar pas duhanit. Rekordi që kemi arritur do të thotë se politikat dhe masat që zbatojmë dhe punojmë së bashku me nën-sektorin e verës po japin vërtet rezultat.

A kemi kapacitete të mjaftueshme për të përpunuar të gjithë rrushin për verë, sepse presidenti i Serbisë, Aleksandar Vuçiq, tha se serbët importojnë më së shumti rrush nga vendi ynë dhe e kthejnë atë në verëra të shkëlqyera?

“Po. Presidenti Vuçiq dje në fjalën e tij disa herë e theksoi pikërisht rëndësinë e Maqedonisë si vend i verës për atë që prodhojmë, por edhe për njohjen dhe cilësinë e verës maqedonase dhe pikërisht për këtë ka një kërkesë të tillë.

Deri në fund të muajit do të lidhim afro 100 kontrata të reja për kantina të reja start-up, afro 100 kantina të cilat do të marrin grant prej 10 mijë eurosh për blerjen e pajisjeve. Dhe këta janë në radhë të parë vreshtarët që prodhojnë rrush dhe të cilët ne i motivojmë tani që ta përpunojnë atë, që të regjistrohen lehtësisht pas ndryshimeve në Ligjin që kemi bërë dhe të mund të prodhojnë verë, gjegjësisht produktin përfundimtar. Të gjitha politikat që ne drejtojmë janë në drejtim të prodhimit të një produkti final dhe për këtë vit eksporti i verës në shishe është rritur me 12 milionë euro, ndërsa eksporti i verës me shumicë ka rënë. Fakti që eksporti i verës me shumicë po bie dhe eksporti i verës në shishe po rritet, tregon se me të vërtetë të gjitha politikat, masat dhe aktivitetet çojnë në drejtim të përpunimit të rrushit tonë dhe punës në brendimin dhe imazhin e verës maqedonase.

A mund të përdoren për këtë fondet nga programi IPARD 3, të cilin po e fillojmë të parët në rajon?

“Absolutisht. Në thirrjen e fundit në IPARD 2 që ka përfunduar një muaj më parë, në masën 3 për blerjen e pajisjeve, ku kemi vënë në dispozicion 8.8 milionë eurot e fundit nga IPARD 2, numri më i madh i aplikimeve ka ardhur pikërisht nga kantinat për blerje pajisjesh dhe ata i përdorin këto fonde. IPARD 3, natyrisht, ofron mundësi edhe në masat për rritjen e plantacioneve edhe në masën për pajisje për kantinat. Unë do të thoja që nuk ka kantinë që nuk ka tabelën IPARD dhe nga ana tjetër jemi lider në përdorimin e mjeteve të IPARD-it. Ne ishim të parët në rajon që shpallëm thirrjet nga IPARD 3 dhe besoj se nëse i sublimojmë numrat tani do të kemi sërish një numër të madh kantinash që do të aplikojnë, por edhe vreshtarë që do të rinovojnë idanët në plantacionet e tyre. Në fund të fundit, fokusi ynë në Strategjinë Kombëtare të Vreshtarisë është të arrijmë disa objektiva deri në vitin 2033, si p.sh. 4 për qind e verës totale të prodhuar të jetë organike, 30 për qind për të rinovuar plantacione, 5 për qind për të rritur plantacione të reja, për 15 për qind që të rrisim numrin e turistëve që vizitojnë kantinat tona dhe rrugët e verës, për të rritur vlerën e verës së eksportuar në shishe me 50 për qind. Besoj se këto shifra do t'i arrijmë edhe para vitit 2033.

Valentin Jankovski

Foto: MIA