Jerusalem, 19 nëntor 2025 (MIA) - Kryeministri izraelit Benjamin Netanjahu, i shoqëruar nga zyrtarë të tjerë, sot vizitoi forcat izraelite të vendosura në Siri, përmes vijës së demarkacionit midis dy vendeve që janë ende në luftë, njoftoi qeveria izraelite.

"Netanjahu e vizitoi sot zonën tampon në Siri, i shoqëruar nga Ministri i Mbrojtjes, Izrael Kac, Ministri i Punëve të Jashtme, Gideon Saar, Shefi i shtatmadhorisë Ejal Zamir, dhe Shefi i Shin Bet (Siguria e Brendshme), David Zini", theksohet në kumtesën e kabinetit të kryeministrit. 

Pas rrëzimit të liderit sirian Bashar al-Asad në dhjetor 2024, Izraeli dërgoi forca në zonën e demilitarizuar të patrulluar nga forcat e OKB-së në Lartësitë siriane të Golanit, duke thënë se nuk i besojnë liderit të ri të Sirisë, ish-xhihadistit Ahmad al-Shara.

Zona e demilitarizuar ndan pjesën e Lartësive të Golanit sirian të pushtuara nga Izraeli që nga viti 1967 (dhe të aneksuara në mënyrë të njëanshme me një ligj izraelit të vitit 1981, i cili nuk njihet nga OKB-ja) nga pjesa tjetër e Sirisë.

Netanjahu vizitoi një pozicion ushtarak izraelit përpara se të mbante brifing të sigurisë dhe t'u përgjigjej pyetjeve të ushtarëve, sipas kumtesës izraelite në të cilën u publikuan fotografi nga vizita. ls/

Foto: Skrinshot nga video nga zyra e Qeverisë