Strugë, 7 nëntor 2025 (MIA) - Sot në sallën e Këshillit të Komunës së Strugës janë dorëzuar certifikatat për anëtarët e Këshillit që morën mandatin katërvjeçar në zgjedhjet e fundit lokale të mbajtura më 19 tetor.

Certifikatat janë dorëzuar nga ana e kryetarit të Komisionit komunal zgjedhor, Minir Zhuta.

Përbërja e re e Këshillit të Komunës së Strugës numëron 23 këshilltarë, tetë prej të cilëve janë nga koalicioni AKI, gjashtë nga VMRO - DPMNE, katër nga VLEN, tre nga lista e pavarur dhe nga një nga LSDM dhe E Majta.

Në komunën e Strugës, në raundin e dytë të zgjedhjeve lokale, kandidati i pavarur Mendi Qyra u zgjodh kryetar komune i cili zyrtarisht do ta marrë detyrën javën e ardhshme.

Foto MIA